Qatar parkı#1807
Qatar parkı bir neçə dəmir yolu xəttinin məhsul yükləri olan vaqonları saxlamaq, çeşidləmək və ya yükləmək/boşaltmaq üçün istifadə olunduğu mürəkkəb bir sistemdir. Bu məsələdə dəmir yol xətləri daha sadədir və biz yalnız iki qatarı birləşdirib bir qatara çevirməklə maraqlanırıq.
Hər iki qatar bir neçə yük vaqonundan ibarətdir. Hər yük vaqonunda yalnız bir növ məhsul olur və bu məhsullar 1-dən 1,000,000-a kimi müsbət tam ədədlə müəyyən edilir. Hər iki qatar yuxarıdakı şəkildə göstərildiyi kimi sağ tərəfdən ayrı-ayrı xətlərlə gəlir. İki qatarı birləşdirmək üçün, istənilən anda istədiyiniz qatardan ön vaqonu götürüb, yeni formalaşan və soldan çıxan qatara əlavə edə bilərsiniz. Əgər qatarlardan birinin bütün vaqonları artıq köçürülübsə, digər qatarın qalan bütün vaqonları bir-bir sol tərəfə köçürüləcək. Nəticədə, bütün vaqonlar sol tərəfə köçürülməlidir. Hər seçimdə hansı qatardan vaqonun seçilməsindən asılı olaraq çıxan qatar üçün fərqli düzülüşlər əldə etmək olar. Məsələn, bütün vaqonları əvvəlcə yuxarı qatarın önündən götürsək 1,1,1,2,2,2 düzülüşünü, iki qatardan ardıcıllıqla növbə ilə götürəndə isə 2,1,2,1,2,1 düzülüşünü əldə etmək mümkündür.
Qatar parkında və sonrakı dayanacaqlarda işləməni asanlaşdırmaq üçün, nəzarətçiyə çıxan qatar üçün istənilən məhsul sırası verilib. Bu məsələdə sizə gələn iki qatarın məhsul sırası verilir və çıxan qatarda istənilən ardıcıllığın qurulub-qurula bilməyəcəyini müəyyən etməlisiniz.
Girişdə bir neçə nümunə var. Birinci sətirdə iki müsbət tam ədəd — hər qatarda olan yük vaqonlarının sayı — N_1 və N_2 (1-dən 1000-ə qədər). İkinci sətirdə birinci qatarın önündən arxasına doğru N_1 müsbət ədəd verilib. Üçüncü sətirdə ikinci qatar üçün eyni qaydada N_2 müsbət ədəd verilib. Dördüncü sətirdə çıxan qatarda istənilən ardıcıllıq — N_1+N_2 müsbət ədəd verilib.
Girişin sonu N_1 = N_2 = 0 olduqda göstərilir.
Hər nümunə üçün bir sətirdə əgər istənilən ardıcıllığı əldə etmək mümkündürsə, possible, əks halda not possible sözünü çap edin.
Nümunə 1