Ölçüsü məhdudlaşdırılmamış stek

"Stek" verilənlər strukturunu reallaşdırın. Aşağıda verilmiş bütün metodları təmin edən və stekin işini modelləşdirən proqram yazın. Proqram ardıcıl əmrləri oxuyur və hər bir əmr üçün uyğun əməliyyatı yerinə yetirir. Hər bir əmrin icrasından sonra proqram bir sətr çıxış verməlidir. Mümkün əmrlər:

push $n$

$n$ ədədini stekə əlavə etmək (burada $n$ əmrdən sonra verilir). Proqram ok çıxış verməlidir.

pop

Stekdən sonuncu elementi silmək və onun qiymətini çıxış vermək.

back

Sonuncu elementin qiymətini silmədən çıxış vermək.

size

Stekdəki elementlərin sayını çıxış vermək.

clear

Steki təmizləmək və ok çıxış vermək.

exit

bye çıxış vermək və proqramı bitirmək.

Stekin ölçüsü yalnız RAM həcmi ilə məhdudlaşmalıdır. back və ya pop əməliyyatı icra olunmazdan əvvəl proqram stekdə ən az bir elementin olduğunu yoxlamalıdır. Əgər stek boşdursa və back və ya pop əmri verilərsə, proqram rəqəm əvəzinə error sətrini çıxış verməlidir.