Acgöz Əziz

Əziz şokolad konfetləri çox sevir. Lakin atası onun çoxlu şokolad yeməsinə icazə vermir, çünki bu, dişləri üçün zərərlidir.

Bir gün atası ona tam ədədlərdən ibarət massiv verir. Hər gün Əziz massivdə ən çox neçə dəfə təkrarlanan ədəd varsa, o qədər konfet yeyə bilər (yəni hansısa ədədin maksimal tezliyi qədər).

Əziz isə daha çox konfet yemək üçün hiyləgərlik etmək istəyir. O, massivdəki bəzi ədədləri elə dəyişə bilər ki, atası bunu hiss etməsin. Massivdəki hər bir ədədi 1 vahid artırmaq və ya azaltmaq olar və hər bir ədəd ən çox bir dəfə dəyişdirilə bilər.

Əziz bir gündə yeyə biləcəyi maksimal konfet sayını əldə etmək istəyir. Ona bu işdə kömək edin.

Massivin ədədlərini optimal qaydada (hər birini ən çox 1 vahidə qədər dəyişməklə) dəyişdikdən sonra Əzizin əldə edə biləcəyi maksimal konfet sayını tapın.

Giriş verilənləri

Birinci sətirdə $n$ (1 \leq n \leq 10^5) — massivdəki elementlərin sayı verilir. İkinci sətirdə $n$ ədəd a_1, a_2, \ldots, a_n (0 \leq a_i \leq 10^9) — massiv elementləri verilir.

Çıxış verilənləri

Çıxışa Əzizin əldə edə biləcəyi maksimal konfet sayını verin.